ঐতিহাসিক পাথৰিঘাটত সদৌ দৰং জিলা ছাত্ৰ সন্থাৰ নৱ নিৰ্বাচিত কাৰ্যনিৰ্বাহক সমিতিক দায়িত্বভাৰ অৰ্পণ*
sangbaddigital23@gmail.com 
*ঐতিহাসিক পাথৰিঘাটত সদৌ দৰং জিলা ছাত্ৰ সন্থাৰ নৱ নিৰ্বাচিত কাৰ্যনিৰ্বাহক সমিতিক দায়িত্বভাৰ অৰ্পণ*
আজি ঐতিহাসিক কৃষক বিদ্ৰোহৰ স্মৃতিবিজৰিত পাথৰিঘাট ডাক বঙলাৰ সভাগৃহত সদৌ দৰং জিলা ছাত্ৰ সন্থাৰ নৱ নিৰ্বাচিত সমিতিখনক দায়িত্বভাৰ অৰ্পণ কৰে । নৱ নিৰ্বাচিত সভাপতি ৰাজু শৰ্মা , সাধাৰণ সম্পাদক হৃদয় বৰুৱাৰ নেতৃত্বত নৱ নিৰ্বাচিত সমিতিখনে সদ্য প্ৰাক্তন সভাপতি পৰেশ চহৰীয়াৰ পৰা কাৰ্যভাৰ গ্ৰহণ কৰে । বিগত ৩০ ছেপ্তেম্বৰ আৰু ১ অক্টোবৰত অনুষ্ঠিত হোৱা লাউজান অধিৱেশনখনি বৃহৎ পৰিসৰত সফলতাৰে অনুষ্ঠিত হোৱাৰ পিছত আজি এক গাম্ভীৰ্যপূৰ্ণ অনুষ্ঠানত নতুন সমিতিখনে দায়িত্বভাৰ গ্ৰহণ কৰে । উক্ত অনুষ্ঠানত উপস্থিত থাকি শুভেচ্ছামূলক বক্তব্য ৰাখে সদৌ অসম ছাত্ৰ সন্থাৰ বিত্ত সম্পাদক খনিন্দ্ৰ ৰাজৱংশী , সদৌ অসম ছাত্ৰ সন্থাৰ ৰাজ্যিক কাৰ্যনিৰ্বাহক সদস্য পৰাগ চহৰীয়া , বিশিষ্ট শিক্ষাবিদ কুলেন্দ্ৰ নাথ ডেকা , পাথৰিঘাট আঞ্চলিক ছাত্ৰ সন্থাৰ প্ৰতিষ্ঠাপক সভাপতি হৰকান্ত ডেকা প্ৰমূখ্যে জিলাখনৰ নেতৃস্থানীয় ব্যক্তিসকলে ।
