গুৱাহাটীত পথ দুৰ্ঘটনাত দৰঙৰ দেওমৰনৈ সমলাৰ যুৱক গকুল শইকীয়াৰ মৃত্যুত শোকৰ ছাঁ

গুৱাহাটীত পথ দুৰ্ঘটনাত দৰঙৰ দেওমৰনৈ সমলাৰ যুৱক গকুল শইকীয়াৰ মৃত্যুত শোকৰ ছাঁ

????দৰং জিলাৰ ছিপাঝাৰ বিধানসভা সমষ্টিৰ ভুড়াৰগড় গাওঁ পঞ্চায়তৰ অন্তৰ্গত দেওমৰনৈ সমলাখাট গাওঁৰ নিবাসী এগৰাকী মেধাৱী শিক্ষিত যুৱক গকুল শইকীয়াৰ ২৬ বছৰ বয়সত গুৱাহাটীত এক পথ দুৰ্ঘটনাত  মৃত্যু হয় যোৱা কালি নিশা মটৰ চাইকেলেৰে । সমলা গাৱৰ ৰমেশ শইকীয়া আৰু  কবিতা শইকীয়াৰ পুত্ৰ গকুল শইকীয়াই গুৱাহাটীত ব্যক্তিগত প্ৰতিষ্ঠানত কৰ্মৰত হৈ আছিল । গকুল শইকীয়াই মৃত্যুৰ সময়ত পিতৃ,মাতৃ আৰু এগৰাকী ভনীয়েকৰ লগতে বহুতো আত্মীয় স্বজনক এৰি থৈ যায়। গকুল শইকীয়া সৰুৰ পৰাই চোকা মেধা সম্পন্ন আছিল কটন মহাবিদ‌্যালয়ত উচ্চতৰ মাধ্যমিক শিক্ষা সাং কৰি ঘৰুৱা আৰ্থিক দুৰ্বলতাৰ বাবে আৰু আগুৱাই যাব নোৱাৰিলে শিক্ষাৰ ক্ষেত্ৰত । স্নাতক শিক্ষা গ্ৰহন কৰিছিল যদিও  দৰিদ্ৰ ঘৰৰ সন্তান হোৱা হেতুকে আৰ্থিক উপাৰ্জনৰ বাবে ব্যক্তিগত প্ৰতিষ্ঠানত কৰ্মৰত হৈ ঘৰ চলোৱাৰ লগতে নিজেও চলি গৈছিল ।

গকুল শইকীয়াৰ মৃত্যুত মঙলদৈ লোকসভা সমষ্টিৰ সাংসদ দিলীপ শইকীয়া, ছিপাঝাৰ বিধানসভা সমষ্টিৰ বিধায়ক ড০ পৰমানন্দ ৰাজবংশী, সদৌ অসম ছাত্ৰ সন্থাৰ প্ৰাক্তন ৰাজ্যিক কাৰ্যনিৰ্বাহক সদস্য নিৰঞ্জন শইকীয়া,ভুড়াৰগড় গাওঁ পঞ্চায়তৰ সমলা খণ্ডৰ সদস্য তপন চন্দ্ৰ শইকীয়া,সমলা নৱমুক্তি মিলন সংঘৰ সম্পাদক কন্দৰ্প বৰুৱাৰ লগতে কেইবাগৰাকীও বিশিষ্ট ব্যক্তিয়ে শোক প্ৰকাশ কৰে।

গকুল শইকীয়াৰ মৃত্যুত দেওমৰনৈ আঞ্চলিক ছাত্ৰ সন্থা, বৃহত্তৰ দেওমৰনৈ সাংবাদিক সন্থা,দেওমৰনৈ সাহিত্য সভা,সমলা নৱমুক্তি মিলন সংঘ,একশৰন ভাগৱতী সমাজ সমলা শাখা,সমলা বাসুদেৱ মন্দিৰ পৰিচালনা সমিতি,কোচ ৰাজবংশী বীৰ চিলাৰায় দেওমৰনৈ শাখা,লেঙ্গেৰীয়াঝাৰ কৃষক উচ্চতৰ মাধ্যমিক বিদ্যালয়, অসম নাট্য সন্মিলন দেওমৰনৈ শাখাৰ লগতে কেইবাটাও অনুষ্ঠান প্ৰতিষ্ঠানে শোক প্ৰকাশ কৰে।